Tegeran ıadrolyq jáne zymyran baǵdarlamalarynan bas tartpaıdy — Irannyń joǵarǵy kóshbasshysy
ASTANA. KAZINFORM — Tegeran ıadrolyq jáne zymyran baǵdarlamalaryn saqtap qalady, dep málimdedi Irannyń joǵarǵy kóshbasshysy Modjtaba Hameneı. Bul týraly Kazinform agenttiginiń Taıaý Shyǵystaǵy menshikti tilshisi habarlaıdy.
Málimdeme AQSh-pen shıelenis jáne Ormýz buǵazy tóńiregindegi daǵdarys aıasynda jasaldy.
Irannyń memlekettik telearnasynda oqylǵan jazbasha úndeýde Modjtaba Hameneı Tegeran ıadrolyq jáne zymyran áleýetin ulttyq qundylyq retinde qorǵaýdy jalǵastyratynyn aıtty.
Onyń sózinshe, ıran qoǵamy eldiń ǵylymı-tehnıkalyq áleýetin, onyń ishinde ıadrolyq jáne zymyran baǵdarlamalaryn, sondaı-aq nano jáne bıotehnologııalardy ulttyq biregeıliktiń ajyramas bóligi retinde qarastyrady.
Leader of the Islamic Revolution Ayatollah Seyyed Mojtaba Khamenei has said that Islamic Republic of Iran will put an end to the enemy’s abuses of Strait of Hormuz.https://t.co/j5n2F4duaF
— Mehr News Agency (@MehrnewsCom) April 30, 2026
Sonymen qatar ol Parsy shyǵanaǵy men Oman shyǵanaǵy elderiniń «ortaq taǵdyry» bar ekenin atap ótti.
Onyń baǵalaýynsha, AQSh-tyń óńirdegi qatysýy turaqsyzdyqtyń negizgi faktory bolyp otyr.
— Amerıkalyqtar úshin Parsy shyǵanaǵynda jalǵyz oryn — onyń túbinde, — delingen málimdemede.
Ol sondaı-aq óńirdiń bolashaǵy AQSh-tyń qatysýynsyz damý men turaqtylyqpen baılanysty bolatynyn jetkizdi.
Supreme leader Ayatollah Mojtaba Khamenei said in a written statement that Iran will protect its nuclear and missile capabilities as a national asset, likely drawing a hard line as President Trump seeks a wider deal. Khamenei also insisted Americans belong “at the bottom” of the…
— The Associated Press (@AP) April 30, 2026
Málimdemede Ormýz buǵazy mańyndaǵy jaǵdaıdyń «jańa kezeńge» ótkeni aıtylǵan. Iran tarapynyń baǵalaýynsha, AQSh alǵa qoıǵan maqsattaryna jete almaǵan.
Modjtaba Hameneı Iran óńirdegi qaýipsizdikti qamtamasyz etip, strategııalyq sý jolyndaǵy jaǵdaıdy baqylaýda ustaıtynyn atap ótti.
Joǵarǵy kóshbasshynyń málimdemesi Iranda beısenbi kúni atap ótiletin Parsy shyǵanaǵy kúni qarsańynda jasaldy.
Modjtaba Hameneı joǵarǵy kóshbasshy qyzmetine kiriskennen beri kópshilik aldyna shyqpaǵan. Onyń atynan jasalǵan málimdemelerdi memlekettik telearnalar arqyly taraıdy. Bul jaǵdaıdy keıbir ırandyqtar qaýipsizdik sharalarymen baılanystyrady.
Osyǵan deıin BUU Qaýipsizdik Keńesi Irannyń ıadrolyq kelisimine kepil bolýy múmkin ekeni týraly jazdyq.
