Tegeran, Vashıngton jáne Beırýt Lıvandaǵy bitimgershilikti saqtaý úshin birlesken komıtet qurady
ASTANA.KAZINFORM — Bul týraly Islam Respýblıkasy Parlamentiniń tóraǵasy Mohammad Bager Galıbaf Irannyń memlekettik telearnasyna bergen suhbatynda málimdedi, dep habarlaıdy TASS.
Tegeran, Vashıngton jáne Beırýt Lıvandaǵy atysty toqtatýdy qamtamasyz etý úshin úshjaqty jumys tobyn qurýdy kózdep otyr. Bul týraly Islam Respýblıkasy Májilisiniń (parlamentiniń) tóraǵasy Mohammad Bager Galıbaf málimdedi.
— Lıvannyń memlekettik egemendigin qamtamasyz etý úshin Iran, AQSh jáne Lıvannyń birlesken komıteti qurylady. Bizdiń elimizdiń elshisi de osy komıtettegi bizdiń ókilimiz, — dedi ol Irannyń memlekettik telearnasyna bergen suhbatynda.
Vashıngton men Tegeran buǵan deıin Lıvandy qosa alǵanda, soǵys qımyldaryn dereý toqtatýǵa shaqyratyn ózara túsinistik týraly memorandýmǵa qol qoıǵan bolatyn.
21 maýsymda Shveıtsarııanyń Bıýrgenshtok qalasynda Doha men Islamabadtyń deldaldyǵymen memorandýmdy júzege asyrý boıynsha AQSh-Iran kelissózderi ótti.
