Teen Accounts: Qazaqstanda balalar qaýipsizdigine arnalǵan joba iske qosylady
ASTANA. KAZINFORM — Meta kompanııasy Teen Accounts degen ataýmen jobany iske qosady. Ol balalar men jasóspirimderdiń onlaın qaýipsizdigine arnalǵan. Bul týraly Mádenıet jáne aqparat mınıstrligi aqparat komıteti tóraǵasynyń orynbasary Іlııas Esmaǵul málim etti.
— Meta kompanııasynyń Teen Accounts jobasyn iske qosýy — úlken qadam. Bul akkaýnttarda kontentti retteý múmkindigi qarastyrylǵan. Ata-ana da baqylaı alady. Sondyqtan bul ósip kele jatqan urpaqty zııandy kontentten qorǵaý baǵytyndaǵy mańyzdy qadam. Meta kompanııasymen aldaǵy yntymaqtastyq elimizdiń turǵyndaryna, balalarymyzǵa paıdaly bolady dep úmittenemiz, — dedi Іlııas Esmaǵul elordada Teen Accounts jobasynyń iske qosylýyna jáne jastardyń onlaın qaýipsizdigine arnalǵan is-sharada.
Sondaı-aq jýrnalıster mınıstrlik ókilinen atalǵan jobanyń qashan iske qosylatynyn surady.
— Bul suraqty Meta ókilderine qoıǵan jón shyǵar. Degenmen jobany búgin tanystyrǵandyqtan, jýyrda iske qosylady dep oılaımyn. Meta kompanııasynyń ókilderi bul jobany tanystyryp, onyń zııandy kontentten balalardy qosymsha qorǵaıtynyn aıtyp otyr. Jobany Meta ázirlegeni anyq. Bul qural tek Qazaqstanǵa ǵana emes, búkil álemge qoljetimdi bolady dep otyrmyz. Jalpy biz Meta kompanııasymen óte tyǵyz áriptestik ornattyq, tájirıbe almasyp, túrli forýmdar, semınarlar ótkizip kelemiz, — deıdi aqparat komıteti tóraǵasynyń orynbasary.
Sondaı-aq spıker qazaqstandyqtardyń jeke derekteri zańmen qorǵalǵanyn eske saldy.
Búgin elordada Qazaqstanda Teen Accounts-tiń iske qosylýy jáne jasóspirimderdiń onlaın qaýipsizdigi taqyrybynda kezdesý ótti. Іs-sharaǵa Іshki ister mınıstri, Mádenıet jáne aqparat mınıstrliginiń ókili, Tsıfrlyq damý, ınnovatsııalar jáne aeroǵarysh ónerkásibi mınıstri (onlaın), Balalar quqyǵy jónindegi ýákil jáne Meta ókilderi qatysty.
ıÝNISEF zertteýine súıensek, árbir besinshi bala kıberbýllıngke tap bolady.
Sondaı-aq Іshki ister mınıstri Erjan Sadenov ınternette táýlik boıy monıtorıng júrgiziletinin aıtty.