TECHNODOM men SULPAK saýda úıleri ákimshilik jazaǵa tartyldy

NUR-SULTAN. QazAqparat - TECHNODOM men SULPAK saýda úıleri taýarlardy tıisinshe tańbalamaǵany úshin jazalandy, dep habarlaıdy QR Saýda jáne ıntegratsııa mınıstrliginiń baspasóz qyzmeti.

Qazaqstan Respýblıkasy Saýda jáne ıntegratsııa mınıstrligi Tehnıkalyq retteý jáne metrologııa komıtetiniń Shymkent qalasy boıynsha departamentiniń baqylaý jáne qadaǵalaý jónindegi memlekettik ınspektorlary, jeke tulǵanyń shaǵymy boıynsha ótken aptada «Arena S» JShS (Sulpak) jáne «Techodom Operator» AQ sııaqty baqylaý sýbektilerine qatysty Qazaqstan Respýblıkasynyń «Tehnıkalyq retteý týraly» Zańy normalarynyń saqtalýyna, atap aıtqanda, ónimdi tańbalaýda jáne Keden odaǵyna múshe memleketterdiń naryǵyndaǵy ónim aınalymynyń biryńǵaı belgisine (EAS Eýrazııalyq sáıkestik) jospardan tys tekserý júrgizildi.

1. «Techodom Operator» AQ (Tehnodom operator):

Mysaly, eger Mix RETRO Genesis oıyn prıstavkalarynda zmg-007 elektr et tartqyshynda memlekettik tilde paıdalaný jónindegi nusqaýlyqtar bolmasa; USB bar FM modýlıatory zarıadtaý qurylǵylarynda qaptamada ónim aınalymynyń biryńǵaı belgisi bolmasa, al AKSION et tartqysh prıstavkasynda biryńǵaı belgiden basqa paıdalaný týraly nusqaýlar múldem bolǵan joq.

Balmuzdaq jasaıtyn Ice cream maker BOSCH memlekettik jáne resmı tilderde aqparat jáne EAS biryńǵaı belgisi bolǵan joq, sonymen qosa memlekettik tilde de nusqaýlyq joq.

2. «Arena S» JShS (Sulpak saýda úıi) boıynsha:

BAS 5310 televızııalyq bólme antennasynda paıdalaný jónindegi nusqaýlyqta memlekettik jáne resmı tilderde aqparat bolmaǵan.

Multimedia Speakers B16 dybys kúsheıtkishi qaptamasynda ónim aınalymynyń biryńǵaı belgisi bolǵan joq, sondaı-aq paıdalaný jónindegi nusqaýlyqta memlekettik jáne resmı tilderde aqparat bolǵan joq.

Haier NK 600 sháıneginde, MiVue C520 beınetirkegishinde jáne GENESIS oıyn prıstavkasynda paıdalaný jónindegi nusqaýlyqta memlekettik tilde aqparat bolǵan joq.

Árıne, joǵaryda atalǵan normalardyń bolmaýy, KO TR 004/2011 jáne KO TR 020/2011 tehnıkalyq reglamentterdiń talaptaryn buzýdy bildiredi jáne qarapaıym tutynýshy úshin qolaısyzdyq týdyratyny sózsiz.

Bas keńseleri, onyń ishinde joǵaryda kórsetilgen baqylaý sýbektileriniń basshylyǵy da Almatyda bolǵandyqtan, Qazaqstan Respýblıkasynyń «Ákimshilik quqyqbuzýshylyqtar týraly» Kodeksine sáıkes tıisti sharalar qabyldaý úshin jospardan tys tekserýdiń barlyq materıaldary TRMK Almaty qalasy boıynsha departamentine berildi.

Joǵaryda atalǵan buzýshylyqtar negizinde baqylaý sýbektileri ákimshilik jaýapkershilikke tartyldy.

Foto : gov.kz