Teatrlardyń 1 jyldyq repertýary kórkemdik keńeste bekitiletin bolady - A.Muhamedıuly
Onyń atap ótýinshe, mınıstrlikke qarasty óner salasyna jaýapty departament bar. Dál osy vedomstvo janynan arnaıy keńes qurylatyn bolady. Ol elimizdegi barlyq teatrlardyń repertýarlaryn úılestiredi.
«Biz osy kúnnen bastap 1 jylǵa qoıylatyn repertýardy kórkemdik keńeste bekitýimiz kerek. ıAǵnı, árbir óńirlik teatrdyń repertýaryn biz kórkemdik keńeste bekitýge tıispiz. Bul ne úshin kerek? Jasyratyn eshteńese joq, ásirese, óńirlik teatrlarda, respýblıkalyq teatrlarda da kim basshy bolyp otyrsa, sonyń pesasy qoıylady»,- dedi mınıstr.
Onyń atap ótýinshe, dál osy jaıt qoǵamda narazylyq týyndatyp, keleńsiz jaıttardyń oryn alýyna túrtki bolady. «Sol úshin biz búkil repertýarlyq saıasatty bir júıege keltirýge tıispiz», - dedi A.Muhamedıuly.
