Teatrlar máselesin retteıtin arnaıy zań qajet

Bul pikirdi BAQ ókilderine bergen suhbatynda Parlament Májilisiniń depýtaty Gúlmıra Isımbaeva aıtty.

Aıta ketý kerek, Májilistiń Áleýmettik-mádenı damý komıtetiniń uıymdastyrýymen «Búgingi Qazaqstannyń teatry: teatr qyzmetiniń qazirgi jaǵdaıy jáne ony zańnamalyq turǵydan jetildirýdiń perspektıvalary» taqyrybynda dóńgelek ústel ótken bolatyn. Oǵan teatr ujymdarynyń basshylary arnaıy shaqyryldy.

«Depýttattardyń buǵan erekshe mán berýiniń ózi osy salany zań turǵysynan retteýdiń mańyzdylyǵyn kórsetedi. Teatr ujymdarynyń jetekshileri aıtqan pikirlerdiń ortaq qorytyndysy - osy salany retteıtin zań qajet. Bizdiń eldiń tarıhynda teatrǵa qatysty arnaıy zań bolǵan  emes. ıAǵnı, osy óner salasynyń barlyq máseleleri «Mádenıet týraly» Zańnyń aıasynda qaralýshy edi. Biraq mádenıettiń salasy óte aýqymdy. Barlyq salany túgeldeı qamtyp, jan-jaqty qarastyrý múmkin emes. Biz bolashaqta Qazaqstandy órkenıetti de rýhanı baı elge jetekizemiz desek, ádebıetke, teatrǵa aıryqsha nazar aýdarýymyz kerek. Aldaǵy ýaqytta teatr ujymdarynyń usynystary eskerilip, Májilistiń Áleýmettik-mádenı damý komıtetinde jumys toby qurylady dep oılap otyrmyz»,- dedi depýtat, «Nur Otan» HDP fraktsııasynyń múshesi G. Isımbaeva.

Parlamentshiniń pikirinshe, jańa zań jobasyn ázirleý, oǵan bastamashylyq jasap, Parlament Májilisiniń qaraýyna engizýdiń zańmen belgilengen protsedýralary bar. Ne Úkimet tarapynan zań jobasy kelip túsýi múmkin, bolmasa Parlament depýtattary bastamashylyq jasaıdy.

Depýtat eń basty másele osyndaı istiń qolǵa alynyp otyrǵandyǵyn aıtty. Ol mindetti túrde aıaǵyna deıin jetkiziledi. Búgingi tańda másele óte kókeıkesti qoıylyp otyr. Ári qaraı sheshimin tabatynyna senim bildirdi.

«Ózińiz zań qajet dep oılaısyz ba?», degen suraqqa depýtat G.Isımbaeva:

«Meniń oıymsha, teatrlar máselesin retteıtin arnaıy zań qajet. Jańa aıtyp óttim, «Mádenıet týraly» Zańda birneshe sala qamtylǵan. Onyń ishinde ádebıet te, óner de, mýzyka da, murajaı da, kitaphana da bar. Sonyń bárin birdeı deńgeıde, bir zańmen retteý múmkin emes. Sonymen qatar bizben kórshiles elderde teatrǵa qatysty zańdar bar. Zańnyń sheńberinde «teatr degen ne?» degennen bastap osy óner shańyraǵynyń qyzmetine baılanysty barlyq máselelerdiń quqyqtyq-zańnamalyq retteý normalary qarastyrylýy tıis. Dramatýrgterge qalamaqyny tóleýdiń tártibi belgilenedi nemese onyń tártibin aıqyndaý mindeti Úkimetke tapsyrylady. Osyndaı normalar jańa zańda mindetti túrde bolady dep oılaımyn.