Teatrǵa jańa ózgerister qajet - ónertanýshy Baǵybek Qundaqbaıuly
ALMATY. Jeltoqsannyń 31-i. QazAqparat /Erlik Erjanuly/ - Qazir qaı teatrda bolsyn aýdarma qoıylymdar kóbeıip ketti,
deıdi QazAqparat tilshisine suhbat bergen ónertaný ǵylymynyń doktory, professor Baǵybek Qundaqbaıuly.
"Men jaqynda Muhtar Áýezov atyndaǵy akademııalyq drama teatrynan belgili túrik dramatýrgynyń "Kóshkin" degen aýdarma qoıylymyn kórdim. Ózgelerden bólekteý kórindi. Onda eski dástúrden qashý bar. Rejısseri dramatýrgııanyń tynysyn jaqsy tanıdy eken. Árbir qımyl-qozǵalysqa, sózge mán berip astaryn ashyp jatyr. Odan keıin sharttylyqty durys qoldanǵan", deıdi Baǵybek Qundaqbaıuly. Batystyń da, shyǵystyń da biraz teatrlaryn kórgen ónertanýshy ǵalymnyń aıtýynsha, buryn ony qazaq teatry qashanǵy bir sarynmen júredi degen oı jıi mazalaıtyn. Sondyqtan buryn aıqaılap sóıleýge úırenip qalǵan teatr ártisteri men kórermender úshin bul qoıylym jańa ózgeristiń basy bolyp otyr.
"Jalpy teatrda týyndynyń sátti shyǵýy kóbine rejıssýraǵa baılanysty. Rejıssýra oıly bolsa, onyń qoıylymy kórermenderge oı salyp, oǵan ózge jurt ta barǵysy keledi. Qazirgi kórermenniń saýaty joǵary. Olardyń kóretin, estıtin, oqıtyn múmkindigi mol. Aýdarmadan qorqýdyń qajeti joq", dep sanaıdy B. Qundaqbaıuly.
