Teatrdyń kóterip júrgen júgi óte úlken - Darhan Myńbaı
ASTANA. 13 shilde. QazAqparat - Teatr el azamattaryn adamgershilik qasıetterge tárbıeleıtin basty quraldardyń biri.
Bul týraly búgin Astanada QR Mádenıet jáne aqparat mınıstrliginiń alqa májilisinde atalǵan vedomstvonyń basshysy Darhan Myńbaı aıtty.
«Teatr el azamattaryn, ásirese óskeleń urpaqty adamgershilik qasıetterge, ultty súıýge tárbıeleıtin basty quraldardyń biri. Bizdiń teatr ártisteri búginde tutas qazaq teatrynyń, qazaq kınosynyń, televızııasynyń, qazaq dýblıajynyń, qazaq radıosynyń túp negizi, qaınar kózi dese bolady. Sondyqtan da teatrdyń, ártisterdiń kóterip júrgen júgi óte úlken», - dep atap ótti mınıstr.
