Teatrdy sezinip, júrekpen uǵý kerek - Áshirbek Syǵaı
ALMATY. 28 naýryz. QazAqparat /Erlik Erjanuly/ - «Teatr kóktemi» tek ártistik jumystarǵa arnalǵan festıval. Bul týraly búgin Almatyda Halyqaralyq teatr kúnine oraılastyrylǵan KSRO halyq ártisi, Memlekettik syılyqtyń laýreaty Ydyrys Noǵaıbaevqa arnalǵan «Teatr kóktemi - 2011» festıvaliniń jabylý saltanatynda aıtyldy.
«Teatrdy sezinip, júrekpen uǵyný kerek. Oǵan jastardyń kóp kelgeni keremet nárse. Bizde kórermen mádenıeti ne balabaqshada, ne mektepte oqytylmaıdy. Oqý ornyna kelgende abıtýrıentter teatr týraly beıhabar bop keledi. Kimniń kim ekenin bilmeıdi. Tragedııalyq qoıylymda bireýler kúlip, ysqyryp, aıqaılap jatsa oǵan eshkim qoı dep aıtpaıdy. Oǵan zaldaǵy teatr qyzmetkerleri ǵana eskertý aıtyp jatady», - deıdi teatr synshysy Áshirbek Syǵaı. T. Júrgenov atyndaǵy óner akademııasy professorynyń aıtýynsha, jas akterlar klassıkaǵa barǵanda úlken daıyndyqpen kelýi kerek. Kórermen teatrǵa ártisterdiń is-qımyl, áreketin kórý úshin keledi. Bizde ártisterdiń kóp jaǵdaıda qoıylym barysyndaǵy sózinde áreketi, al áreketke kóńil bólgende sózderi solǵyndaıdy. Kóp rólde oınasa da, eshbir obrazy jurt jadynda qalmaǵan ártister bar.
«1995 jyldan beri ótip kele jatqan «Teatr kóktemi» festıvaliniń qazylar alqasy sońǵy jyldary bir-aq quramda bolsyn dedik. Bul ártistiń jumysyn kórip ol ósti me, bir ornynda tur ma, quldyrady ma degen saýaldarǵa baǵa berýge yńǵaıly. Qazylar alqasynyń tóraǵasy Memlekettik syılyqtyń laýreaty, QR eńbek sińirgen qaıratker, teatr synshysy, professor Áshirbek Syǵaı. Músheleri fılologııa ǵylymynyń doktory, professor Baqyt Nurpeıis pen kórkemdik keńes múshesi, «Alash» syılyǵynyń laýreaty, jazýshy, teatr zertteýshi Álııa Bópejanova», - deıdi Qazaqtyń memlekettik Muhtar Áýezov atyndaǵy akademııalyq drama teatrynyń dırektory jáne kórkemdik jetekshisi Esmuqan Obaev.
