Teatrdaǵy qoıylym kezinde balkonnyń bir bóligi qulap, 88 adam túrli jaraqat aldy
ASTANA. 20 jeltoqsan. QazAqparat - Apollo London teatrynda qoıylym kezinde balkonnyń bir bóligi qulap tústi, dep habarlady Bı-Bı-Sı. Atalǵan jaǵdaı 19 jeltoqsan kúni teatr kórermenderge toly kezde oryn aldy. Qıraǵan kezde teatr ǵımaratynda 700-ge jýyq adam bolǵan.
Oqıǵa ornynda bolǵan kýágerler aldymen qatty dybystyń shyqqanyn, keıin balkonnyń qulap túskenin aıtqan. Teatrdyń kúmbezi parterdegi kórermenderdiń ústine túsken.
Kórermenderdiń birazy úıindi astynda qaldy, kóp uzamaı olardyń bári qutqaryldy, dep habarlady Londonnyń órtke qarsy qyzmetinen. Tóbeniń opyrylýynan kem degende, 88 adam túrli jaraqat alyp, olardyń jeteýi aýyr qalde dep habarlady qalalyq polıtsııa.
