Teatr jáne kıno aktrısasy Ǵazıza Ábdinábıeva ómirden ozdy

ALMATY. QazAqparat- Qazaq teatr jáne kıno óneri orny tolmas qazaǵa ushyrady. M.Áýezov atyndaǵy qazaq ulttyq akademııalyq drama teatrynyń aktrısasy QR Eńbek sińirgen ártisi, «Parasat» jáne «Qurmet» ordenderiniń ıegeri Ǵazıza Ábdinabıeva ómirden ótti, dep habarlaıdy QazAqparat tilshisi.

Qaraly habardy Ǵabıt Músirepov atyndaǵy qazaq memlekettik akademııalyq balalar men jasóspirimder teatrynyń dırektory Azamat Satybaldy Instagram-daǵy paraqshasynda jazdy.

«Sońǵy ret telefon soǵyp jyly sózderin aıtyp, biraz syrlasyp edik. Árdáıym aqylyn aıtyp júretin asyl apamyz edi. Qaıtemiz endi. Ómir jalǵan degen osy. Qaıǵyra kóńil aıtamyn»,- dep jazdy ol.

Ǵazıza Ábdinábıeva 1948 jyly Qyzylorda oblysy Syrdarııa aýdanynda týǵan. Qazaq ulttyq konservatorııasynyń (burynǵy Almaty konservatorııasy) «akterlik sheberlik» fakýltetin bitirgen.

1969 jyly Ǵ.Músiriepov atyndaǵy Qazaq memlekettik akademııalyq balalar men jasóspirimder teatryna qabyldanady. 1969-1993 jyldary osy teatrda aıanbaı eńbek etti. 1993 jyly M.Áýezov atyndaǵy Qazaq memlekettik akademııalyq drama teatryna akterlik bólimine aýysady.

Konservatorııanyń 4-kýrsynda oqyp júrip, 1969 jyly Ǵ.Músiriepov atyndaǵy Qazaq memlekettik akademııalyq balalar men jasóspirimder teatryna qabyldanady.

1994 jyldan bastap T.Júrgenov atyndaǵy Qazaq ulttyq óner akademııasynda «akterlik sheberlik» mamandyǵynan dáris oqıdy.

Onyń kıno salasynda somdaǵan rólderi:

1977 - «Nan» – Jamal (rej. A. Tájibaev)

1982 - «Qaýyn» – bas keıipkerdiń zaıyby (rej. V. Pusyrmanov),

1990 - «Qyz jylaǵan» – Ásııa (rej. S. Narymbetov),

«Jel adam» – aýyl turǵyny,

2009 - Siz kimsiz, K myrza?» – jolserik (rej. Q. Ahmetov),

2009 - «Birjan sal» – Búrme áje (rej. D. Joljaqsynov),

2011 - «Aınalaıyn» – Sálıma (rej. A. Sataev);

1996-2000 - Toǵysqan taǵdyrlar (Roza)

2001-2003 - Saransha (Margo)

2002 - Láılániń zary

2007 - Odnajdy v bagajnıke - Jenşına na vokzale

2008 - Otkroıte dver, ıa schaste

2012-2013 - «25 km» Qarlyǵash (rej. I.Pıskýnov)

2012-2013 - «Domashnıe voıny» Áje (rej. A.Kırıýshenko)

2014 - Kempir» Kúlpásh (rej. E.Tursynov)

2015 - Zaýal» Áje (rej. J.Aıbasov)

2015 - «Pobeg ız aýla» Tetıa geroıa (rej. N.Adambaev)