Teatr kúni: Qaraǵandyda «Súıikti akterler» atty ashyq hattar kórmesi ótýde

QARAǴANDY. QazAqparat – 27 naýryzda atap ótiletin Halyqaralyq teatr kúni qarsańynda N. V. Gogol atyndaǵy Qaraǵandy oblystyq ámbebap ǵylymı kitaphanasynda «KSRO ashyqhattar jınaǵy» aıdarynan kórme ótýde, dep habarlaıdy QazAqparat tilshisi.

Óner ádebıeti bóliminde «Súıikti akterler» atty ekspozıtsııada jas oqyrmandarǵa ótken ǵasyrdyń ataqty adamdarynyń fotoportretterin kórýge, al aǵa býynǵa Keńestik kınoakterler men aktrısalardy eske alýǵa múmkindik berildi.

Barlyq ashyqhattar bir kollektsııadan. Ol Lıýdmıla Novıkke tıesili. Kıno óneriniń órkendeýi kezinde onyń otbasy ártister beınelengen kartalardy satyp alyp, olardy albomǵa muqııat jınaǵan. Munda kórermender Lıýbov Orlova, Alla Larıonova, Vasılıı Lanovoı, Nadejda Rýmıantseva, ıÝrıı Nıkýlın, Tamara Makarova, ıÝrıı Belov, Sergeı Bondarchýk, Vladımır Andreev, Elına Bystrıtskaıa, Arkadıı Raıkın, Iıa Savvına, Kırıll Lavrov jáne basqa da kıno men teatrdyń juldyzdaryn kóre alady.

Aıta ketý kerek, KSRO-da teatr men kıno akterleriniń portretteri, dramalyq qoıylymdar men kınofılmderden alynǵan kórinister óte tanymal boldy. Ótken ǵasyrdyń 60-80-shi jyldary olar úlken tırajben shyqqan. Kartanyń artqy jaǵynda akter oınaǵan fılmderdiń ataýlary kórsetilgen. Mundaı ashyqhattyń quny 5-8 tıyn aralyǵynda bolatyn.