Teatr festıvali: Úzdikter anyqtaldy
«Osydan bir apta buryn Qazaqstanymyzdyń túkpir-túkpirinen kelgen ónerpazdar kezdesip, tájirıbelerin ortaǵa salyp, festıvalimizdiń saltanatty ashylýy ótken edi. Osyndaı festıvaldar ár óner ıesiniń tulǵalyq damýyna jáne ósýine áser etedi, - dedi teatr jáne kıno akteri Asanáli Áshimov.
Shara barysynda ónerpazdar men óner ujymdary 13 atalym jáne Shyǵys Qazaqstan oblysy ákiminiń arnaıy júldesimen marapattaldy.
«Úzdik kórkemdik sheshim» nomınatsııasy boıynsha F.M.Dostoevskıı atyndaǵy orys drama teatry «Perishte» spektakli úshin,
«Úzdik rejıssýra» nomınatsııasy boıynsha «Jan daýysy» spektakli úshin Farhat Moldaǵalı,
«Ámına Ómirzaqova atyndaǵy «Eń úzdik áıel beınesi» nomınatsııasy boıynsha «Láıli-Májnún» spektaklindegi «Láıliniń anasy jáne kempir» rolderi úshin Botagóz Maqsutova,
«Úzdik er adam beınesi» nomınatsııasy boıynsha «Álıhannyń amanaty» spektaklindegi «Álıhan» roli úshin Medǵat Ómirálıev,
«Qazaqstannyń teatr ónerine qosqan úlesi úshin» nomınatsııasy boıynsha «Abaı» spektaklindegi «Abaı» roli úshin Baqytbek Temirbekov,
«Úzdik akterlik ansambl» nomınatsııasy boıynsha M.Gorkıı atyndaǵy Memlekettik akademııalyq orys drama teatry «Evgenıı Onegın» spektakli,
«Tarıhı taqyrypty ıgerýdegi izdenisteri úshin» nomınatsııasy boıynsha Abaı atyndaǵy qazaq mýzykalyq drama teatry «Ahmettiń amanaty» spektakli,
«Eń úzdik ekinshi plandaǵy er adam beınesi» nomınatsııasy boıynsha «Qandy azý» spektaklindegi «Borash» roli úshin Eldos Masalımov,
«Eń úzdik ekinshi plandaǵy áıel adam beınesi» nomınatsııasy boıynsha «Teatr 180º» spektaklindegi «Dottı» roli úshin Gúlmıra Jakılına,
«Úmit» nomınatsııasy boıynsha «Balalyq shaqqa saıahat» spektakliniń rejısseri Jangeldi Sadyqov,
«Úzdik debıýt» nomınatsııasy boıynsha «Teatr 180º» spektakli úshin «Nomad» teatry,
«Shyǵarmashylyq jetistikteri úshin» nomınatsııasy boıynsha «Daýys. Daý is» spektakli, «Darıǵa-aı» jastar teatry marapattaldy.
Al, «Eń úzdik spektakl» nomınatsııasy Ǵ.Músirepov atyndaǵy qazaq memlekettik akademııalyq balalar men jasóspirimder teatry «Adam-zat» spektakli úshin berildi. Júlde qory 1 500 000 teńge.
Sondaı-aq, Shyǵys Qazaqstan oblysy ákiminiń júlde qory 1 000 000 teńgeni quraıtyn arnaıy júldesi «Darıǵa-aı» jastar teatryna tabystaldy.
Eske salsaq, buǵan deıin Memlekettik syılyqtyń laýreaty, kórnekti teatr jáne kıno aktrısasy, Qazaqstannyń halyq artısi, Ámına Ómirzaqovanyń 100 jyldyǵyna arnalǵan Qazaqstan drama teatrlarynyń XXVII respýblıkalyq teatr festıvali bastalǵandyǵy týraly habarlaǵan bolatynbyz.
