Teatr 180°: Astanalyq komedııa teatry premeraǵa shaqyrady
ASTANA. QazAqparat - Elordada komedııa teatrynyń ashylýyna oraı jańa qoıylymnyń premerasy ótedi, dep habarlaıdy QazAqparat.
10 jáne 25 jeltoqsan kúni saǵat 19.00-de NOMAD CITY HALL kontsert zalynda Astana qalalyq komedııa teatrynyń ashylýyna oraı «Teatr 180ᵒ» komedııasynyń premerasy ótedi.
Astana jańa komedııa teatrynyń bas rejısseri - QR eńbek sińirgen qaıratkeri Saılaý Qamıev. Kórkemdik jetekshisi - QR eńbek sińirgen qaıratkeri Tursynbek Qabatov.
«Teatr 180°» týyndysynyń avtory - brıtan dramatýrgy Maıkl Freın. Qazaq tiline aýdarǵan - Ásel Asqarqyzy. Qoıýshy rejısseri - Saılaý Qamıev.
«Shekspır kezeńinen kele jatqan «teatr ishindegi teatr» ádisin qoldanǵan Maıkl Freınniń keıipkerler men akterlerdiń taǵdyry baılanysqan týyndysy kórermenge sahna syrtyndaǵy tylsym álemge enýge múmkindik beredi. Tyǵyryqtan jol tabý kezinde shynaıy ómir men sahna ómirin aıyra almaı, komedııalyq jaǵdaılarǵa tap bolǵan akterlerdiń áreketteri shynaıy kúlki týǵyzady. «Teatr 180º» komedııasynda trýppadaǵy akterlerdiń shym-shytyryqqa toly qarym-qatynasy kórinis tabady. Árbir keıipker úshin shynaıy jáne sahnalyq ómir bir arnaǵa toǵysyp, spektakldiń áreketin komedııalyq absýrd pen satıralyq groteskke jetkizedi» delingen habarlamada.
Tolyq aqparatty myna telefon arqyly bile alasyzdar: 8702-191-98-98. Bıletterdi qala kassalarynan jáne www.topticket.kz saıtynan satyp alýǵa bolady.
