TeART-Kókshe halyqaralyq festıvali: Qazaqstan men taıaý shetel teatrlary Kókshetaýda bas qosady

KÓKShETAÝ. QazAqparat - El Táýelsizdiginiń 30 jyldyǵy jáne «Rýhanı jańǵyrý» baǵdarlamasyn júzege asyrý aıasynda 4-8 qazan aralyǵynda Kókshetaý qalasynda úshinshi halyqaralyq «TeART-Kókshe» festıvali ótedi. Onyń aıasynda Qazaqstan, Reseı jáne Qyrǵyzstannan keletin 12 shyǵarmashylyq ujym túrli janrdaǵy qyzyqty qoıylymdaryn kórsetedi, dep habarlaıdy QazAqparat tilshisi oblystyq ishki saıasat basqarmasyna silteme jasap.

Festıval Aqmola oblysy ákimdiginiń qoldaýymen oblystyq orys drama teatry GITIS Reseı teatr óneri ınstıtýtymen birlesip uıymdastyrdy.

Mádenıet, arhıvter jáne qujattama basqarmasynan atap ótkendeı, teatr spektaklderi oblys ortalyǵynyń birneshe alańynda ótedi.

Qoıylymdardy álemge áıgili teatrtanýshylar men synshylar baǵalaıdy.

Jaqynda festıval qarsańynda teatr bilim zerthanasynyń ashylýy ótti.

Onyń jumysyna Kókshetaý, Nur-Sultan, Qaraǵandy, Almaty, Aqtaý, Aqtóbe jáne basqa da qalalardyń teatr ujymdary qatysýda.

«Teatr zerthanasy ásem tabıǵatymen tamasha Zerendi aýdanynda ótýde. Shyǵarmashylyq sharalar barysynda qatysýshylar úshin qazaqstandyq jáne reseılik jetekshi teatr qaıratkerleri men pedagogtardyń qatysýymen akterlik sheberlik, qýyrshaq teatry óneri, praktıkalyq rejıssýra, teatr menedjmenti boıynsha sheberlik synyptary ótkiziledi», - dep atap ótti vedomstvodan.

Halyqaralyq festıval qorytyndysy boıynsha qatysýshylar túrli atalymdar boıynsha marapattalady.

Kórermenderdiń qaýipsizdigi úshin barlyq is-sharalar Ashyq jobasy aıasynda sanıtarlyq-epıdemıologııalyq normalardy saqtaı otyryp ótkiziledi.