Tbılısıdiń shıpajaılyq qalamańy aýmaqtary burshaqtan kúrdeli zardap shekti
BAKÝ-TBILISI. 20 tamyz. QazAqparat - Búgin túnde Tbılısıdiń Kodjorı men Kıketı dep atalatyn shıpajaılyq qalamańy aımaqtary qatty jaýǵan burshaqtan kúrdeli zardap shekti.
Jaýǵan burshaqtyń iri bolǵany sonshalyq, ol úılerdiń shatyrlaryn, tereze áınekterin, kólikterdi, baqsha daqyldaryn, kókónisterdi edáýir búldirdi.
Ótken túni tótenshe jaǵdaılar qyzmetine 100-den astam qońyraý shalyndy. Negizinen Tbılısıdegi apatty úıleri bar aýdandardan habarlasty. Bul rette órt sóndirýshilerge sý basyp ketken jertólelerden túni boıy sý sorǵyzýǵa týra keldi.
