Tbılısıden Almatyǵa ushqan Air Astana ushaǵy Bakýge shuǵyl qondy
ASTANA. KAZINFORM – Tbılısıden Almatyǵa ushqan Air Astana áýe kompanııasyna tıesili Airbus A321 ushaǵynyń kapıtany Geıdar Álıev halyqaralyq áýejaıyna shuǵyl qonýdy surady. Bul týraly áýejaıdyń baspasóz qyzmeti habarlady, dep jazdy Trend.az.
Trend-tiń habarlaýynsha, buǵan borttaǵy jolaýshylardyń biriniń densaýlyǵynyń kúrt nasharlaýy sebep bolǵan.
Ótinim boıynsha áýejaıdyń daǵdarys ortalyǵy jumyldyrylyp, jerústi qyzmetteri jedel úılestirilip, barlyq qajetti qaýipsizdik sharasy qabyldandy. Ushaq jergilikti ýaqyt boıynsha 00:25-te sátti qondy.
Jolaýshyǵa dereý medıtsınalyq kómek kórsetildi. Ol jedel járdem brıgadasyna tapsyrylyp, odan ári tekserý úshin qalalyq aýrýhanalardyń birine jetkizildi.
Atap ótilgendeı, «Air Astana» áýe kompanııasynyń sheshimimen reıstiń mejeli jerge attandyrylýy keıinge shegerildi. Qalǵan jolaýshylar qonaqúıge ornalastyryldy.
Eske sala keteıik, buǵan deıin Gondýrasta shaǵyn ushaq apatqa ushyraǵanyn habarlaǵan edik.