Tbılısıdegi sý tasqyny: úsh adam qaza tapty
ASTANA. QazAqparat - Grýzııa astanasynda nóserli jaýynnyń sońy sý tasqynyna ulasyp, onyń saldarynan úsh adam qaza tapty. Jergilikti BAQ habarlaǵandaı, taǵy birneshe adam habar-osharsyz ketti, dep habarlady Bı-bı-sı.
Birneshe saǵat tolastamaǵan nóser jaýyn qalanyń birneshe aýdandaryn sý basýǵa ákep soqty. Aýlalardy, birinshi qabattardy, jerasty ótkelderin, júzdegen úılerdiń jer tólelerin sý basty.
Grýzııa ІІM basshysy Vahtang Gomelaýrı Tshenetı-Betanı jolynda Tbılısı qalasynyń mańynda kóshkin júrgenin habarlady.
Sondaı-aq sý basý saldarynan haıýanattar baǵy aýmaǵynan birneshe jabaıy janýarlar, sonyi ishinde arystandar men jolbarystar qashyp ketken.
