Tbılısıde jolbarys adamdy shaınap tastaǵan
BAKÝ - TBILISI. QazAqparat - Búgin Grýzııa ІІM zoobaq mańyndaǵy «Lagýna Vere» basseınine jaqyn jerde adamdy jolbarys shaınap óltirdi degen BAQ-ta taratylǵan aqparatty rastady.
Ol jerden sý tasqyny kezinde jyrtqysh ańdar qashyp shyqqan bolatyn.
«Faktini rastaımyz. Tıisti qyzmetti jumyldyrdyq», - dep habarlady ІІM shuǵyl kómek basqarmasy ortalyǵynyń baspasóz qyzmetinen.
Jolbarys Tbılısı ortalyǵynda óltirildi.
Jyrtqyshty óltirý operatsııasy «Lagýna Vere» basseınine jaqyn aýmaqta júrgizildi.
Budan buryn Grýzııa premer-mınıstri Iraklıı Garıbashvılı Tbılısı kóshesinde 14 maýsymǵa qaraǵan túni zoobaqtan qashqan jyrtqyshtar joq dep málimdegen bolatyn. Tańy ańdardyń bir bóligi ólgen, qalǵany ýaqytsha uıyqtatylsa, keıbiri atylǵan edi.
