Tbılısıde jappaı narazylyq: quqyq qorǵaýshylar sherýshilerge sýatqysh qoldanǵan

ASTANA. KAZINFORM — Tbılısıde, prezıdent saraıynyń aldynda, mıtıngiler úlken narazylyqqa ulasyp, demonstranttar men quqyq qorǵaýshylar arasynda qaqtyǵys boldy, dep habarlaıdy Kazinform agenttiginiń menshikti tilshisi.

Narazylyq bildirýshiler arnaıy kúshter qyzmetkerlerine petardalar laqtyryp, basqalary arnaıy jasaqtyń aldyna barrıkadalar quryp, olardy órtep jatyr.

Oǵan jaýap retinde quqyq qorǵaý organdary sýatqyshtar qoldanyp, kópshiliktiń shabýylyn tejeýge tyrysqan.

Jaǵdaı shıelenisken kúıde qalyp otyr. Arnaıy jasaq prezıdent saraıynyń aýlasyna shyǵaryldy, ǵımarat qorshaýǵa alynǵan. Narazylyq bildirýshiler qorshaýlardy buzyp ótýge tyrysyp, úkimetti mýnıtsıpaldy saılaý nátıjelerin burmalaýda aıyptap otyr.

Esterińizge sala keteıik, búgin búkil el boıynsha mýnıtsıpaldy saılaý ótti. Buǵan deıin Grýzııa premer-mınıstri Iraklıı Kobahıdze bılik partııasy «Grýzınskaıa mechta» kópshilik qala men mýnıtsıpalıtetterde 70%-dan astam daýys jınaǵanyn málimdedi.

Bul nátıje oppozıtsııa men saılaý protsesine senbeıtin qoǵam tarapynan qatań reaktsııa týdyrdy.

Aqparat kózderi men kýágerlerdiń málimetteri boıynsha, demonstranttar arasynda jaraqat alǵandardyń sany artýda. Jaqyn jerde medıtsınalyq brıgadalar kezekshilikte tur. Іshki ister mınıstrligi ázirge kúsh qoldaný jáne sýatqyshtardy paıdalaný týraly resmı málimdeme jasamady.