Tbılısıde sý basqan haıýanattar baǵynan qashyp ketken jyrtqyshtar izdestirilýde
ASTANA. QazAqparat - Grýzııa astanasynda jeksenbige qaraǵan túni sý tasqyny ýaqytynda haıýanattar baǵynan qashyp shyqqan jyrtqyshtar izdestirilýde, olardy izdeýge ІІM arnaıy jasaǵy shyqty, dep habarlady Bı-bı-sı.
Budan buryn habarlanǵandaı, birneshe saǵatqa sozylǵan nóser jaýynnyń sońy qalanyń birneshe aýdandaryn sý basýyna alyp keldi. Júzdegen úılerdiń aýlasy, birinshi qabaty, jer tóleleri sý astynda qaldy.
Sý basqan haıýanattar baǵynan alty arystan, alty jolbarys, jeti aıý, 13 qasqyr qashyp ketken.
Tbılısı ákimi Davıd Narmanııa turǵyndardy kóshege shyqpaýdy, eger jyrtqyshtardy kózderi shalsa, dereý habarlaýǵa shaqyrdy.
Sońǵy derekterge súıensek, Tbılısıde 8-ge jýyq adam sý tasqynynyń qurbany boldy.
Apattyń saldaryn joıý úshin Grýzııa astanasynda tótenshe shtab quryldy.
