Tbılısıde sherýge qatysqan 90 azamatqa aıyp taǵyldy
ASTANA. 26 mamyr. QazAqparat - Ótken túni Tbılısıde sońy zańsyz áreketterge ulasyp ketken parlament ǵımaraty aldynda ótken «Halyqtyq jınalys» aktsııasyn qýyp taratýdan keıin, sherýge qatysqan 90 azamatqa aıyp taǵyldy.
Bul jóninde Grýzııa ІІM aqparattyq-saraptamalyq departamentiniń basshysy Shota Ýtıashvılı málimdedi, dep habarlady Grýzııa jańalyqtary agenttigi.
«Olardyń kópshiligine eki aıǵa deıin ákimshilik qamaýǵa alý jazasy berildi, keıbir jekelegen jaǵdaılar boıynsha qylmystyq is qozǵaldy», - dedi Ýtıashvılı. Onyń aıtýynsha, ustalǵandardyń arasynda ázirge aktsııa uıymdastyrýshylary joq.
Ýtıashvılıdiń habarlaýynsha, ІІM-de keıbir aktsııa uıymdastyrýshylary beıbit jolmen bastalǵan sharany azamattyq qaqtyǵysqa aınaldyryp jiberýdi kózdegeni jóninde dáleldemeler bar. Mundaı dáleldemelerdiń birazyn ІІM jarııalaǵan bolatyn, olardyń ishinde parlamenttiń burynǵy spıkeri Nıno Býrdjanadzeniń ulymen telefon arqyly sóılesken sózderiniń jazbasy bar.
