Tbılısıde polıtsııa narazylyq aktsııasyna qatysýshylardy ustaı bastady
ASTANA. QazAqparat - Grýzııa Іshki ister mınıstrliginiń qyzmetkerleri Tbılısıdegi parlament ǵımaraty mańynda «sheteldik agentter» týraly zań jobasyna narazylyq aktsııasyn taratyp, olarǵa qatysqandardy ustaýǵa kiristi. Bul týraly QazAqparat reseılik TASS aqparat agenttigine silteme jasap habarlaıdy.
Ereýilge qatysqandardy ustaý kadrlaryn sársenbi kúni grýzındik Mtavari Arxi telearnasy https://mtavari.tv/live tikeleı efırde kórsetti.
Ereýilshilerdi ustaý negizinen respýblıka parlamentiniń ǵımaraty ornalasqan Rýstavelı dańǵylynda ótedi. Keıbir narazylyq bildirýshiler polıtseılerden ustalǵan adamdardy arashalap almaq. Alaıda olardyń bul áreketi sátsiz boldy. Buǵan deıin «Gırchı» oppozıtsııalyq partııasynyń kóshbasshysy Zýrab Djaparıdzeni ustaý kadrlary taralǵan.
