Tbılısıde narazylyq aktsııasyn uıymdastyrý komıtetiniń bes múshesi ustaldy
TBILISI. QazAqparat – Grýzııanyń Іshki ister mınıstrligi 4 qazanda ótken jergilikti saılaýmen qatar uıymdastyrylǵan narazylyq aktsııasynyń bes múshesi ustalǵanyn habarlady, dep jazady Grýzııa jańalyqtary.
Mınıstrliktiń málimetinshe, ustalǵandarǵa bılikti qulatýǵa shaqyrý jáne toptyq zorlyq-zombylyqty uıymdastyrý baptary boıynsha aıyp taǵylǵan. Bul qylmys úshin 9 jylǵa deıin bas bostandyǵynan aıyrý jazasy qarastyrylǵan.
Ustalǵandardyń arasynda:
Iraklıı Nadıradze — «Birtutas ulttyq qozǵalys» partııasynyń múshesi, Tbılısı sakrebýlo depýtaty (úsh shaqyrylym);
Mýrtaz Zodelava — partııanyń saıası keńesiniń múshesi, Grýzııanyń burynǵy bas prokýrory;
Lasha Berıdze — Grýzııa Qarýly kúshteri Bas shtaby bastyǵynyń burynǵy orynbasary;
Paata Mandjgaladze — «Strategııa Agmashenebelı» partııasynyń bas hatshysy;
Paata Býrchýladze — «Rýstavelı dańǵyly» qoǵamdyq platformasynyń negizin qalaýshy, tanymal opera ánshisi.
Grýzııa ІІM-niń habarlaýynsha, Erkindik alańyndaǵy mıtıng kezinde uıymdastyrýshylar kúsh qoldanýǵa shaqyrǵan úndeý jasaǵan.
— Polıtsııa birneshe ret qatysýshylardy sabyr saqtaýǵa jáne aktsııany zań sheńberinde ótkizýge shaqyrdy. Alaıda keıin uıymdastyrýshylar men keıbir qatysýshylar prezıdent saraıynyń qorshaýyn buzyp, ony basyp alýǵa áreket jasady, — dedi ІІM basshysynyń orynbasary Aleksandr Darahvelıdze.
«Beıbit revolıýtsııa» uranymen ótken aktsııa barysynda narazylyq bildirýshiler qazirgi úkimetti «zańsyz» dep jarııalap, bılikti «beıbit jolmen tapsyrýdy» talap etti. Keıin sherýshilerdiń bir bóligi prezıdent rezıdentsııasyna basyp kirýge tyrysqan.
Arnaıy jasaq qyzmetkerleri kóz jasaýratatyn gaz ben sý atqyshtar qoldana otyryp, narazylyq bildirýshilerdi keri shegindirdi. Keıin sherýshiler jaqyn mańdaǵy kóshelerde bar men meıramhanalardan alynǵan zattardan barrıkadalar turǵyzyp, polıtsııaǵa feıerverk pen tas laqtyrǵan.
Keıinirek demonstranttar prezıdent saraıynyń mańyndaǵy aýmaqtan taraǵan.
Grýzııa Densaýlyq saqtaý mınıstrliginiń málimetinshe, 21 polıtsııa qyzmetkeri men 6 narazylyq qatysýshysy aýrýhanaǵa jetkizildi.
Aıta ketelik Grýzııadaǵy tártipsizdikter kezinde 14 polıtseı jaraqat aldy.