Tbılısıde kólikke gaz quıý stansysynda jarylys boldy
NUR-SULTAN. QazAqparat – Tbılısı qalasynyń Elgýdjı Amashýkelı kóshesinde, Nýtsýbıdze ústirtinde, kólikke gaz quıý stansysynda jarylys boldy, dep habarlaıdy QazAqparat newsgeorgia.ge saıtyna siltememen.
Grýzııa ІІM Tótenshe jaǵdaılar basqarmasy qyzmetiniń habarlaýynsha, jarylys saldarynan bir adam dene jaraqattaryn alyp, aýrýhanaǵa jetkizildi.
Oqıǵa ornynda júrgen Tbılısı qalasy TJ qyzmeti basqarmasynyń basshysy Otar Kereselıdze tilshilerge zardap shekken er adamnyń orta dárejedegi dene jaraqattaryn alǵanyn habarlady.
Jarylys tolqyny kólikke gaz quıý stansysynyń janynda ornalasqan úıler men ǵımarattardyń shynylaryn syndyrǵan. Sondaı-aq, oqıǵa ornynda órt shyǵyp, ony sóndirýge alty órt sóndirý-qutqarý toby jumyldyrylǵan. Oqıǵanyń sebebi anyqtalǵan joq.
