Tbılısıde Grýzııanyń Táýelsizdik kúnine arnalǵan áskerı sherý ótti
BILISI. Mamyrdyń 26-y. QazAqparat /Arnur Muhametkárim/ - Búgin Tbılısıde Grýzııa Táýelsizdiginiń 92 jyldyǵyna arnalǵan áskerı sherý ótti, oǵan Grýzııanyń NATO standarttaryna sáıkes kıingen áskerı qyzmetkerleri,grýzın armııasy áskerindegi áskerı tehnıka qatysty.
Áskerı sherýde el Qarýly kúshteriniń barlyq jaýyngerlik bólimderi men ásker oqý oryndarynyń ókilderi sap túzep ótti. Sonymen qatar, áskerı sherý grýzın áskeri qarý-jaraǵynda reseı, túrik jáne amerıkan áskerı tehnıkalary bar ekenin kórsetti.
Atap aıtqanda, Tbılısıdiń bas kóshesi Rýstavelı dańǵyly boıymen BTR gaýbıtsalary, reseılik «Grad» júıesi, Túrkııanyń brondy tehnıkasy jáne amerıkadyq áskerı «Hammer» djıpteri ótti. Sondaı-aq Tbılısı áýe keńistiginen Mı-8, Mı-24 tikushaqtary jáne Sý-25 ushaqtary ushyp ótti.
Aıta keteıik, 1918 jylǵy mamyrdyń 26-y kúni Noı Jordanııa basqarǵan Grýzııanyń demokratııalyq úkimeti el táýelsizdigin jarııa etken bolatyn. Birinshi táýelsiz Demokratııalyq Grýzııa Respýblıkasy 1921 jylǵy naýryzdyń 18-ine deıin ómir súrdi. Bul ýaqyt ishinde Grýzııa táýelsizdigin Eýropanyń, Azııanyń jáne Latyn Amerıkanyń 23 memleketi moıyndaǵan.
1921 jyldyń aqpanynda Grýzııa KSR-i quryldy, 1922 jyldyń jeltoqsanynda KSRO-ǵa alǵashynda Zakavkaz Sotsıalıstik Federatıvtik Keńestik Respýblıkasy quramyndaǵy el retinde qosyldy, 1936 jyldan 1991 jylǵa deıin odaqtyq respýblıka retinde boldy.
