Tbılısıde Grýzııa tarıhyndaǵy eń úlken sport nysany salynady

ASTANA. KAZINFORM - Eń úlken sport nysany - ulttyq stadıonǵa 70 myń adam sııady jáne ol Tbılısı áýejaıynyń mańyna salynady, dep habarlaıdy Kazinform agenttiginiń menshikti tilshisi Georgia Today-ge silteme jasap.

Grýzııa úkimeti quny 876 mln ları ($325 mln) bolatyn jańa stadıon qurylysyna halyqaralyq tender jarııalady. Joba boıynsha 70 myń kórermendi syıdyra alatyn arena Kahetın shossesiniń boıynda, Tbılısı áýejaıyna jaqyn jerde salynady.

Jańa stadıon áýejaıdyń ushý-qoný jolaǵynan 1500 metr aýmaqta 270 615 sharshy metr jerge salynady.

Nysannyń áýejaıǵa jaqyn ornalasýy avıatsııalyq qaýipsizdik máselesine jiti kóńil bólýge nazar aýdartady. Sondaı-aq jaryq, pırotehnıkalyq effekt, drondardy qoldaný sııaqty ushaqtar úshin qaýip tóndirýi múmkin táýekelderdi qosymsha zertteý júrgizý josparlanyp otyr.

Joba - kólemi boıynsha da ulttyq ınfraqurylymnyń mańyzy boıynsha da el tarıhyndaǵy eń iri nysan bolady. Stadıon Grýzııadaǵy 55 myń adamǵa eseptelgen eń úlken stadıondy qosa alǵanda, barlyq nysandardan áldeqaıda aýqymdy bolady.

Jańa nysandy 2029-2030 jyldary paıdalanýǵa berý josparlanyp otyr. Qurylysqa jarııalanǵan tender jeńimazy anyqtalyp, kelisimshart jasalǵan soń 51 aı beriledi dep josparlanyp otyr.

Jobany júzege asyrý barysynda jańa jumys oryndary qurylyp, jaqyn jerdegi kólik ınfraqurylymy jańaryp, Tbılısıdiń Ońtústik Kavkazda sporttyq oqıǵalaryń ortalyǵy retinde tanylýyna yqpal etedi.

Osyǵan deıin Grýzııanyń tereń sýly teńiz porty – Anaklııa qurylysy belgilengen keste boıynsha jalǵasyp jatqany týraly jazdyq.