Tbılısıde arnaıy jasaq sherýshilerdi sýatqyshtar jáne kózden jas aǵyzatyn gaz qoldanyp, taratty
ASTANA. KAZINFORM – Grýzııa astanasyndaǵy jappaı narazylyqtyń onynshy kúni arnaıy jasaq sherýshilerdi sýatqyshtar men kózden jas aǵyzatyn gaz qoldanyp, taratty, dep habarlaıdy DW.
Grýzııa astanasynda arnaıy jasaq sońǵy úsh kúnde alǵash ret sýatqyshtar men kózden jas aǵyzatyn gaz qoldanyp, Rýstavelı dańǵylynda sherýge shyqqandardy tarata bastady. Bul týraly 7 jeltoqsan, senbige qaraǵan túni «Grýzııa Online» portaly habarlady. Basylymnyń málimetinshe, taratýǵa sherýshilerdiń pırotehnıkalyq zattardy qoldanýy sebep bolǵan.
Grýzııa parlamenti ornalasqan dańǵyldaǵy sherýdi polıtsııa tarata bastaǵannan eki jarym saǵat ótken soń eshkim qalmady. Keıbir narazylyq bildirýshiler qala jaǵalaýyna kóshti. Sonda demonstranttar men belgisiz adamdar arasynda tóbeles bolǵan.
Grýzııa prezıdenti Salome Zýrabıshvılı X áleýmettik jelisinde premer-mınıstr Iraklıı Kobahıdzeniń Tbılısı kóshelerindegi zorlyq-zombylyq toqtady degen sózine pikir bildirdi.
– Ótirik pen tsınızm! Eger «kóshedegi zorlyq-zombylyq toqtasa», onda búgingi qatygezdiktiń máni nede? Anasynan balalardy urlaý ma? Áıelderden kek alý ma? – dep jazdy ol.
Lies and cynicism!
— Salome Zourabichvili (@Zourabichvili_S) December 6, 2024
If “violence has stopped” in the streets, what is the purpose of tonight’s brutal raid? Abducting a child from their mother? Taking revenge on women? pic.twitter.com/UhL1yLpDyA
Buǵan deıin jappaı narazylyq sherýleri bolyp jatqan Grýzııada júrgen qazaqtar eldegi jaǵdaı týraly aıtqan bolatyn.
Grýzın oppozıtsııasy bıliktiń EO-ǵa kirý jónindegi kelissózderdi 2028 jylǵa deıin toqtatý týraly sheshimine narazylyq bildirip jatyr.