Tbılısıde 23 qarashada AQSh-tyń eks-prezıdenti Reıganǵa eskertkish ashylmaq
ASTANA. 21 qarasha. QazAqparat - 23 qarashada «Raýshan tóńkerisiniń» 8 jyldyǵy kúni jáne pravoslavııalyq Qasıetti Georgıı kúni Tbılısıdiń ortalyǵyndaǵy Rıka alańynda AQSh-tyń 40-prezıdenti Ronald Reıganǵa eskertkish ashylmaq. Bul týraly «Jańalyqtar-Grýzııa» agenttigi habarlady.
«Rýstavı-2» telekompanııasynyń málimetterine qaraǵanda, eskertkishti ashý Keńes Odaǵy kúıreýiniń 20 jyldyǵyna arnalyp otyr. Eskertkish tuǵyryna Ronald Reıgannyń «Bostandyq - bul barlyq urpaqqa qamqorlyq» degen degen sózderi jazymaqshy. Qola músinde Reıgan tutastaı boıymen beınelenedi. Jeksenbi kúni ol saıabaqqa ákelindi, ony ornatý jumystary júrgizilýde. Eskertkish avtory - grýzındik músinshi Avtandıl Monaselıdze óziniń osy shyǵarmasymen úsh jyl boıy aınalysqan.
Jumys avtorynyń aıtýynsha, «Reıgan Keńes Odaǵynyń kúıreýine qatysyp, adamzat tarıhyna zor úles qosty».
Ronald Reıgan 1981-1989 jyldary AQSh prezıdenti boldy.
