Tbılısı ortalyǵynda jarylys bolyp, bir adam kóz jumdy

TBILISI. QazAqparat – Tbılısı ortalyǵynda jarylys bolyp, bir adam kóz jumdy, taǵy ekeýi zardap shekti, dep habarlaıdy QazAqparat tilshisi Grýzııa jańalyqtaryna silteme jasap.

Jarylys Kostav kóshesinde Dejavu klýbynyń aýmaǵynda bolǵan. Klýb ǵımaratynda jóndeý jumystary júrgizilip jatqan. Aldyn-ala málimetter boıynsha gaz dánekerleý ballony jarylǵan.

Zardap shekkender aýrýhanaǵa jetkizildi. Taratylǵan aqparatqa sákes, olardyń bireýiniń jaǵdaıy aýyr.

Jarylys tolqyny jaqyn mańdaǵy birneshe úıdiń terezesin qıratqan. Qazirgi ýaqytta Kostav kóshesi jabylǵan. Oqıǵa ornynda órt sóndirýshiler men qutqarýshylar jumys jasap jatyr. Sondaı-aq, patrýldik polıtsııa qyzmetkerleri men sarapshy krımınalıster de jumyldyryldy.