Tbılısı meri sot sheshimimen qyzmetinen ýaqytsha shettetildi
ASTANA. 23 jeltoqsan. QazAqparat - Grýzııa astanasynyń qalalyq soty Tbılısı meri Gıgı Ýgýlavanyń ókilettigin toqtatty. Prokýratýra mer Ýgýlavany Tbılısıdiń damý qoryndaǵy 48 mıllıon ları kólemindegi aqshany zańsyz ıemdenip, ysyrap qyldy dep aıyptap otyr.
Tergeý nusqasy boıynsha, bul qarjy qalanyń qajettilikterine emes, Mıhaıl Saakashvılı jetekshilik etken «Birtutas ulttyq qozǵalys» burynǵy bılik partııasynyń 2012 jylǵy parlamenttik aldyn ala saılaý kampanııasyn qarjylandyrýǵa jumsalǵan. Ýgýlavanyń aıyby dáleldense, ol uzaq merzimge túrmege toǵytylýy múmkin.
Tbılısı merin atalǵan qylmystyq is boıynsha birneshe ret tergeýge shaqyrǵan. Atap ótý kerek, atalǵan qylmystyq is boıynsha Tbılısııa qalalyq merııanyń biraz burynǵy jáne qazirgi sheneýnikteri qamaýǵa alyndy, dep habarlaıdy «Golos Rosıı» radıosy.
