Tbılısı men Túmende kisi óltirgeni úshin izdeýde júrgen Qazaqstan azamattary ustaldy - ІІM
ASTANA. 15 tamyz. QazAqparat - Ótken aptada Reseıdiń Túmen qalasynda óz jubaıyn óltirdi degen kúdikpen halyqaralyq izdeýde júrgen Aqmola oblysynyń turǵyny ustaldy.
Bul týraly búgin Іshki ister mınıstrliginde ótken brıfıng barysynda vedomstvonyń baspasóz hatshysy Nurdildá Oraz málim etti.
Tergeý málimetterine qaraǵanda, 42 jastaǵy Qazaqstan azamaty 1997 jyldyń tamyzynda Aqmola oblysynyń Jańadala aýylyndaǵy óz úıinde kisi ólimine qatysty qylmysqa barǵan. Sodan beri izdeýde júrgen aıyptalýshy aqyry Reseıdiń Túmen qalasynan ustaldy. Qazirgi tańda kúdiktini Qazaqstanǵa qaıtarý jónindegi máseleler sheshilip jatyr.
Budan bólek, baspasóz hatshysynyń aıtýynsha, Tbılısı qalasynda qazaqstandyq polıtseılerdiń qatysýymen 23 jastaǵy Qazaqstan azamaty quryqtaldy. Kúdikti 2010 jyly Aqtaý qalasynyń kósheleriniń birinde 22 jastaǵy jergilikti turǵyndy óltirdi dep aıyptalyp otyr. Ol da Qazaqstanǵa qaıtarylatyn bolady.
