Tazy tarıhta alǵash ret «Olımpıadaǵa» qatysty
ASTANA. KAZINFORM – Bolonıa qalasynda álemdik ıtter kórmesi aıasynda ótetin «TOP Dog-2026» (jyldyń úzdik ıti) baıqaýy beıresmı túrde osylaı atalady, dep habarlaıdy Kazinform agenttiginiń Italııadaǵy menshikti tilshisi.
«TOP Dog 2026» – álemniń túkpir-túkpirinen kelgen kınologııalyq qaýymdastyqtyń nazaryn aýdaratyn jarqyn halyqaralyq shoý. Sonymen qatar bul keń aýdıtorııaǵa, medıaǵa jáne halyqaralyq kórme qaýymdastyǵyna baǵyttalǵan keremet qoıylym.
Halyqaralyq moıyndaý satysynda turǵan qazaq tazy tuqymy úshin mundaı alańnyń qundylyǵy erekshe. Tuqymdy odan ári ilgeriletý úshin saraptamalyq baǵa alý ǵana emes, sonymen qatar álemde tanymal bolý mańyzdy.
Sondyqtan Qazaqstan tarıhynda tuńǵysh ret «World Dog Show» kórmesinde tazy elimizdiń atynan óner kórsetti.
Arenaǵa álemniń 50 eliniń ókilderi shyqty. Olardyń ishinen tóreshiler tuqymdaryna qaramastan úzdikterdi tańdady. Debıýt aıasynda qazaqstandyq ıt 12 qatysýshydan turatyn fınalǵa ótken joq, biraq qatysý faktisi — bizdiń komanda úshin moıyndalǵan jetistik.
Nelikten bul ıt tańdalǵany jáne jalpy janýarlardy irikteý jáne daıyndaý protsesi týraly Kazinfrom tilshisine Qazaqstan Kınologtar odaǵynyń basshysy Baýyrjan Serikqalı aıtyp berdi.
TOP Dog 2026 tuqymdy kásibı saraptamalyq baǵalaýdan ótip, jarqyn, emotsıonaldy formatta keń halyqaralyq aýdıtorııaǵa usynýǵa múmkindik berdi. Álemdik alańda qazaqy tuqym ózin Qazaqstannyń mádenı kodynyń tiri bóligi retinde jáne jahandyq arenada óz ornyna laıyq ekenin kórsetti.
Sonymen qatar Astanadan kelgen tazy ıti Bolonıa qalasynda «jasóspirimder» sanatynda álemdegi tórtinshi tazy bolyp tanyldy.
Italııanyń Bolonıa qalasynda ótip jatqan World Dog Show 2026 dúnıejúzilik ıtter kórmesinde Qazaqstannyń ulttyq tazy tuqymy joǵary nátıjeler kórsetip, halyqaralyq deńgeıdegi birneshe bedeldi ataqqa ıe bolǵanyn jazǵan edik.
Prezıdent tazy men tóbetti ulttyq brend retinde keńinen nasıhattaý jóninde tapsyrma berdi.
Qazaqstannan tazyny basqa elge shyǵarýǵa tolyq tyıym salynýy múmkin.
Qazaqstanda tazy men tóbet kúni atalyp ótedi.
