Rýmynııada shetelden kelgenderden alapes aýrýy anyqtaldy

ASTANA. KAZINFORM — Tekserýge kelgen 4 adamnyń bireýinen alapes aýrýy anyqtaldy, taǵy úsh sheteldik klınıkalyq-mıkrobıologııalyq tekserýden ótip jatyr, dep habarlaıdy TASS.

Syrqat týraly eldiń Densaýlyq saqtaý mınıstrligi habarlaǵan.

Alapes dertine shaldyǵýy múmkin degen taǵy úsh naýqas klınıkalyq jáne mıkrobıologııalyq tekserýden ótip jatyr. Tórteýi de Klýj-Napokadaǵy SPA-da massajıst bolyp jumys isteıdi. Qalalyq aýrýhanaǵa kelgen alǵashqy eki naýqas 21 jáne 25 jasta. Olar Indonezııadan kelgen.

Epıdemıologııalyq tekserý aıaqtalǵansha SPA jabyldy. Barlyq aýmaq dezınfektsııalandy, qyzmetkerlerdi tekserýden ótkizý bastaldy.

Rýmynııada alapes aýrýy sońǵy ret 1981 jyly anyqtalǵan. Elde Eýropadaǵy eń sońǵy alapes kolonııasy bar, ol Týlcha okrýginde ornalasqan. 2018 jyly munda nebári 10 naýqas bolǵan.

Eske salaıyq, Qazaqstanda alapes derti joıylyp keledi. Byltyrǵy esep boıynsha 10 jylda 3 naýqas tirkelgen.