Tájikstannyń Pandjakenti «Álemdik qolóner qalasy» atandy
ASTANA. KAZINFORM – Pandjakent qalasy sýzanı kestelegeni úshin resmı túrde «Álemdik qolóner qalasy» dep tanyldy, dep habarlaıdy Kazinform menshikti tilshisi.
Tájikstan SІM habarlaýynsha, qurmetti ataq berý týraly sheshim 2025 jyldyń 21 qazanynda qabyldanǵan jáne eldiń baı mádenı murasyn saqtaý men nasıhattaýdaǵy mańyzdy qadam boldy.
Bul mártebe kóne Pandjakent qalasynda muqııat saqtalǵan jáne damyp kele jatqan tájik qolónershileriniń tamasha sheberligin jáne sýzanı kesteleýdiń ǵasyrlar boıy qalyptasqan dástúrin moıyndaıdy.
«Álemdik qolóner qalasy» ataǵyn ıÝNESKO-ǵa qarasty uıym Dúnıejúzilik qolóner keńesi (WCC) berdi. Keńes qolóner dástúrlerin belsendi túrde saqtaıtyn jáne nasıhattap júrgen qalalardy atap ótedi.
Buryn osyǵan uqsas ataqqa Fes (Marokko), Djaıpýr (Úndistan) jáne Cholpon-Ata (Qyrǵyzstan) sııaqty biregeı qolóner dástúrleri bar qalalar ıe bolǵan.
Bıyl elimizdiń ońtústik astanasy Global Tourism Forum-nyń arnaıy júldesi — «Týrızm ınnovatsııalary men qalalyq transformatsııa úshin arnaıy qurmet» marapatyna ıe bolǵanyn jazǵan edik.
Naýryz aıynda Túrkistan qolónershiler qalasy atanǵan.