Tájikstannyń Aýǵanstanmen shekarasynda 24 beket ashyldy

Tájikstan Respýblıkasynyń prezıdenti Emomalı Rahmon shekarada 24 shekara zastavasyn ashty. Kazinform agenttigi bul týraly HOVAR aqparat agenttigine silteme jasap habarlaıdy.

Emomalı Rahmon aldymen Farhor aýdanyndaǵy «Kokýl» shekara zastavasyn, keıinnen Hatlon oblysynyń Hatlon oblysynyń Lahsh, Shamsıddın Shohın aýdandarynda, Rýshan, Ishkashım, Mýrgab aýdandarynda jáne Taýly Badahshan avtonomııalyq oblysynyń Horog qalasynda shekara zastavalaryn paıdalanýǵa berdi.

Tájikstan Respýblıkasynyń shekarasynda barlyǵy 24 shekara zastavasy men ofıtserlerge arnalǵan 96 páter paıdalanýǵa berildi.

Bul – 2023 jyly Tájikstanda shekaralyq nysandardy salý jáne paıdalanýǵa berý, jabdyqtaý jáne memlekettik shekarany qorǵaý úshin qajetti jaǵdaı jasaýdaǵy eń joǵary kórsetkish.

2024 jyly Tájikstan Respýblıkasy Ulttyq qaýipsizdik memlekettik komıtetiniń Shekara áskerleriniń qurylǵanyna 30 jyl tolǵanda, qosymsha 12 shekara zastava salynyp, paıdalanýǵa beriledi.