Tájikstannan jiberilgen 56 vagon jáne 15 fýra gýmanıtarlyq kómek Túrkistanǵa jetti
TÚRKІSTAN. KAZINFORM- Sý tasqyny zardap shekken aımaqtarǵa Tájikstan Respýblıkasynan 56 vagon, sondaı-aq 15 fýra gýmanıtarlyq kómek keldi.
Azyq-túlik pen kúndelikti tutyný taýarlary tıelgen vagondar Saryaǵash aýdanynyń «Saryaǵash» temir jol stantsııasyna jetti. Qazaqstan Respýblıkasy Tótenshe jaǵdaılar mınıstriniń vıtse-mınıstri Batyrbek Abdyshev pen Túrkistan oblysy ákiminiń orynbasary Beısenbaı Tájibaev Tájikstan Respýblıkasynyń ókilderin kútip aldy.
Sonymen qatar, atalǵan is-sharaǵa Saryaǵash aýdanyndaǵy tájik ultynyń dıasporasy, Saryaǵash aýdanynyń aqsaqaldary men aq jaýlyqty analar qatysyp, qıyn qystaý kezde kómek berip, qoldaý bildirgen Tájikstan halqyna alǵys aıtty.
Aıta keteıik, búgin Ózbekstan Respýblıkasynan gýmanıtarlyq kómek tıelgen 15 júk kóligi Qaraǵandyǵa jiberildi.
