Tájikstandaǵy jer silkinisinen Ózbekstanda 2-3 baldyq jerasty dúmpýleri sezildi

TAShKENT. KAZINFORM – Búgin tańerteń Tashkent qalasy men Ózbekstannyń basqa aımaqtarynda 2-3 baldyq jer silkinisi sezildi. Bul týraly Kazinform agenttiginiń Tashkenttegi menshikti tilshisi Álıhan Asqar habarlady. 

Saǵat 08:47-de Tájikstannyń Lahsh aýdanynda jer silkinisi bolyp, onyń dúmpýi Tashkent jáne Ózbekstannyń ózge de óńirlerinde sezildi.

TJM Respýblıkalyq seısmologııalyq monıtorıng ortalyǵynyń málimetinshe, jer silkinisiniń oshaǵy Tashkentten ońtústik-shyǵysqa qaraı 31 shaqyrym jerde ornalasqan. Tereńdigi - 15 shaqyrym, magnıtýdasy - 5,4 birlik.

Saldarynan Tashkent pen Syrdarııa oblystarynda – 2, Andıjan, Namanǵan jáne Ferǵana oblysynda 3 baldyq jerasty dúmpýleri sezildi.

Qosa ketsek, osydan birneshe apta buryn da Ózbekstan aýmaǵynda 2 baldyq jer silkinisi bolǵan edi.