Tájikstandaǵy jer silkinisi Qyrǵyzstanda sezildi

ASTANA. KAZINFORM – Qyrǵyz-tájik shekarasyna jaqyn jerde bolǵan jer silkinisi Qyrǵyzstannyń ońtústiginde jergilikti ýaqyt boıynsha saǵat 14:08-de sezildi, dep habarlaıdy Kazinform menshikti tilshisi.

Qyrǵyz Respýblıkasy UǴA Seısmologııa ınstıtýtynyń málimetinshe, Tájikstan aýmaǵynda magnıtýdasy 5 baldyq er silkinisi tirkeldi. Osh oblysynyń Alaı aýdanyndaǵy Bor-Debe aýylynda jer silkinisi 4 baldy qurady, al Qara-Kindik jáne Nura eldi mekenderinde 3,5 balǵa deıin jetken.

Qazirgi ýaqytta zardap shekkender men qıraýlar týraly aqparat anyqtalyp jatyr.

Buǵan deıin QR Tótenshe jaǵdaılar mınıstrligine qarasty seısmıkalyq stansalar jelisi 4 mamyr kúni saǵat 11:45-te jer silkinisin tirkedi.

Al búgin Almatydan 544 km qashyqtyqta jer silkindi.

Buǵan deıin Ystanbuldaǵy jer silkinisinen keıin qala syrtyndaǵy úılerge suranys kúrt artqanyn jazǵan bolatynbyz.