Tájikstandaǵy parlament saılaýyn EQYU baıqaýshylary qadaǵalamaıdy

DÝShANBE. KAZINFORM – Eýropadaǵy qaýipsizdik jáne yntymaqtastyq uıymy (EQYU) Tájikstandaǵy parlament saılaýyn qadaǵalaıtyn baıqaýshylar mıssııasyn toqtatýǵa májbúr, dep habarlaıdy Kazinform agenttigi. 

– Saılaýǵa bir aıdan az ýaqyt qaldy. Bul rette bizdiń baıqaýshylarǵa resmı kepildiktiń berilmeýi baqylaý júrgizý mıssııasyn kúrdelendire tústi, - dep málim etti EQYU Demokratııalyq ınstıtýttar jáne adam quqyqtary jónindegi bıýrosynan. 

Aıta keteıik, Tájikstan parlamentiniń tómengi palatasyna depýtattardy saılaý 2 naýryzǵa josparlansa, joǵary palatadaǵy saıası doda 28 naýryzǵa belgilengen. 

– Saılaýdy baqylaý mıssııasy 22 qańtarda ashylǵanymen, Dýshanbedegi sarapshylar toby jumysqa kirise almady. Baıqaýshylardy tirkeýdiń uzaqqa sozylýy qadaǵalaý protsesin uıymdastyrýǵa aıtarlyqtaı áser etti, - delingen Demokratııalyq ınstıtýttar jáne adam quqyqtary jónindegi bıýrosynyń habarlamasynda. 

Eske salaıyq, buǵan deıin Qazaqstan strategııalyq qarym-qatynastar sheńberinde gýmanıtarlyq kómek kórsetip, Tájikstanǵa 5 myń tonna mazýt pen azyq-túlik jiberdi. 

Sonymen qatar Qyrǵyzstan men Tájikstan taıaýda shekara máselemin kelisti.