Tájikstanda jemqor sheneýlikter memleketke 40 mln dollarǵa jýyq shyǵyn keltirdi

DÝShANBE. KAZINFORM – Byltyr Tájikstanda 950-ge jýyq adamǵa jemqorlyq qylmysyn jasady degen aıyp taǵyldy, dep habarlaıdy Kazinform agenttiginiń tilshisi. 

Bul týraly BAQ ókilderiniń qatysýymen ótken baspasóz máslıhatynda Memlekettik qarjylyq baqylaý jáne sybaılas jemqorlyqqa qarsy kúres agenttiginiń dırektory Sýltonzoda Sýlaımon Saıd málim etti. 

Esep berý barysynda ol byltyr respýblıkadaǵy ortalyq jáne jergilikti atqarýshy bılik organdaryna 484 tekseris júrgizilip, onyń barysynda 425,7 mln somonı (shamamen $39,1 mln) shyǵyn anyqtalǵanyn aıtty.

— Qabyldanǵan sharalardyń nátıjesinde 411,9 mln somonı ($37,7 mln) zalal memleket paıdasyna óteldi. Buǵan qosa, agenttik 1 180 adamǵa qatysty sybaılas jemqorlyq qylmystaryn anyqtady. Oǵan saı, 948 adamǵa aıyp taǵylyp, aldyn ala tergeýden ótken 728 qylmystyq is sottarǵa joldandy, - dedi Sýltonzoda Sýlaımon Saıd. 

Qosa ketsek, buǵan deıin Ózbekstan bıligi Tájikstanmen odaqtastyq qarym-qatynas ornatý kelisimin maquldaǵanyn jazyp edik.

Munymen birge, Qazaqstan Tájikstannan elektr energııasyn ımporttaýǵa nıetti.

Sondaı-aq, Tájikstan úkimeti ýtılalym mólsherin ózgertýdi josparlap otyr.