Tájikstanda jalaqy, zeınetaqy jáne shákirtaqy ósti
ASTANA. KAZINFORM — Tájikstanda 1 qyrkúıekten bastap jalaqy, zeınetaqy jáne shákirtaqy mólsheri kóbeıdi, dep habarlaıdy Kazinform agenttiginiń Dýshanbedegi menshikti tilshisi.
Tájikstan prezıdentiniń jarlyǵyna sáıkes, mektepke deıingi jáne jalpy bilim berý mekemeleri qyzmetkerleriniń jalaqysy 25%-ǵa ósti.
Basqa bilim berý, ǵylym, mádenıet, sport, densaýlyq saqtaý jáne áleýmettik qamtamasyz etý mekemeleri qyzmetkerleri, sondaı-aq bılik organdary jáne memlekettik basqarý qyzmetkerleri, quqyq qorǵaý organdary jáne áskerı qyzmetshilerdiń jalaqysy da 20%-ǵa ulǵaıdy.
Áskerı qyzmetkerler, quqyq qorǵaý organdary qyzmetkerleriniń jáne joǵaryda atalǵan qurylymdardaǵy basqa da qyzmetkerlerdiń jalaqysy men tarıftik mólsherlemeleri de 20%-ǵa kóbeıdi. Qatardaǵy jaýyngerden leıtenantqa deıingi áskerı jáne arnaıy ataqtar úshin koeffıtsıentterdi esepteýge arnalǵan bazalyq jalaqy 2002 somonı, al aǵa leıtenanttan armııa generalyna deıin — 1800 somonı bolyp belgilendi.
Prezıdenttik stıpendııalardy qosa alǵanda, stýdentterge beriletin qoldanystaǵy stıpendııalar men basqa da shákirtaqy 20%-ǵa ósti. Tek joǵary áskerı oqý oryndarynyń jáne Іshki ister mınıstrligi akademııasynyń kýrsanttaryna beriletin stıpendııa mólsheri ózgermedi.
Saqtandyrý, eńbek jáne áleýmettik zeınetaqylar, sondaı-aq olarǵa qosymsha tólemder 2025 jylǵa arnalǵan ınflıatsııa deńgeıin eskere otyryp, biraq keminde 15%-ǵa ındeksteledi.
Osyǵan deıin Tájikstanda kedeılik deńgeıi 83%-dan 19%-ǵa deıin tómendegenin habarladyq.
