Tájikstanda Ulttyq týrızm qaýymdastyǵy quryldy
ASTANA. KAZINFORM – Tájikstanda Ulttyq týrızm qaýymdastyǵy quryldy. Tıisti sheshim respýblıkadaǵy týrızm salasy ókilderiniń otyrysynda qabyldandy, dep habarlaıdy Kazinform agenttiginiń Dýshanbedegi menshikti tilshisi.
Іs-sharaǵa Tájikstan Respýblıkasynyń Týrızmdi damytý komıteti basshylyǵy, týrıstik kompanııa, qonaqúı, meıramhana, áýe kompanııalarynyń ókilderi, sondaı-aq kádesyı ónimderin óndirýshiler qatysty.
Tájikstannyń Ulttyq týrızm qaýymdastyǵynyń quryltaıshylary retinde 11 kompanııa anyqtaldy. Sonymen qatar, eldiń týrıstik naryǵyndaǵy basqa da qatysýshylardy jańa uıymnyń quramyna qabyldaý týraly sheshim qabyldandy.
Qaýymdastyqtyń saılanǵan basshysy Ýmed Saıdov mundaı qurylymnyń qurylýy týrıstik salanyń áleýetin biriktirý jolyndaǵy mańyzdy qadam ekenin atap ótti.
Qaýymdastyqtyń qyzmeti memlekettik jáne jeke sektorlar arasyndaǵy yntymaqtastyqty damytýǵa, sala kásipkerleriniń múddelerin qorǵaýǵa, kórsetiletin qyzmetterdiń sapasyn arttyrýǵa jáne Tájikstannyń týrıstik áleýetin halyqaralyq deńgeıde ilgeriletýge baǵyttalady.
Buǵan deıin 2025 jyly Tájikstanǵa 1,7 mıllıonnan astam týrıst kelgeni habarlanǵan bolatyn. Olardyń ishinde 37 myńǵa jýyǵy – qazaqstandyqtar. Týrıster aǵyny ótken jylmen salystyrǵanda 27,5 paıyzǵa artqan.
Aıta ketelik Tájikstanda quny 100 mln dollar bolatyn iri IT Hub qurylysy bastaldy.
