Tájikstanda tabıǵı apattardan kelgen shyǵyn 5,7 mln dollardan asty
ASTANA.KAZINFORM — 2026 jyldyń alǵashqy jartysynda Tájikstanda bolǵan tabıǵı sıpattaǵy tótenshe jaǵdaılar el ekonomıkasyna 52,8 mln somonı (shamamen 5,7 mln AQSh dollary) kóleminde shyǵyn keltirdi. Bul týraly Kazinform agenttiginiń Dýshanbedegi menshikti tilshisi habarlaıdy.
Eseptik baspasóz máslıhatynda Tájikstannyń Tótenshe jaǵdaılar jáne azamattyq qorǵanys komıtetiniń tóraǵasy Radjabalı Rahmonalı esepti kezeńde elde tabıǵı sıpattaǵy 741 tótenshe jaǵdaı tirkelgenin málimdedi.
Halyq pen ekonomıkaǵa eń kóp shyǵyndy qar kóshkini men sel keltirgen. Alty aı ishinde respýblıka aýmaǵynda 508 qar kóshkini jáne 123 sel júrý faktisi tirkelgen.
Tabıǵı apattardan kelgen materıaldyq shyǵynnyń jalpy kólemi 52,8 mln somonıdan asty. Sonymen qatar tabıǵı apattar saldarynan 12 adam qaza tapty.
Aıta ketelik Tájikstandaǵy muzdyqtardyń erýi Ortalyq Azııaǵa qaýip tóndiretini týraly jazǵan edik.
