Tájikstanda Starlink spýtnıktik ınternet iske qosyldy
ASTANA. KAZINFORM — Tájikstanda Starlink spýtnıktik baılanys júıesi resmı túrde iske qosyldy. Bul týraly SpaceX kompanııasy óziniń X áleýmettik jelisindegi resmı akkaýntynda málimdedi, dep habarlaıdy Kazinform menshikti tilshisi.
— Tájikstanda endi Starlink joǵary jyldamdyqty ınternet qoljetimdi, — dep habarlady kompanııa.
Tájikstan Baılanys qyzmeti Starlink Tajikistan kompanııasymen kelisimge ótken jyldyń qazan aıynda Dushanbe Invest–2025 halyqaralyq ınvestıtsııalyq forýmy kezinde qol qoıdy.
Eldegi paıdalanýshylar endi ótkizý qabileti joǵary jáne mınımaldy kidirispen spýtnıktik ınternetke qosyla alady. Bul tehnologııa birinshi kezekte turaqty jer ústi ınfraqurylymy joq aımaqtarǵa baǵyttalǵan.
Buǵan deıin Qatar áýe jelileri Dreamliner-di Starlink Internet júıesimen jabdyqtaǵanyn habarladyq.
Al Qazaqstanda Starlink Direct to Cell spýtnıktik baılanys tehnologııasy synaqtan sátti ótti.