Tájikstanda sıqyrshy, kóripkelder men emshiler jazalanady

ASTANA. KAZINFORM – Tájikstanda ózin sıqyrshy, emshi dep ataıtyndarǵa jaza kúsheıtildi. Bul týraly Tájikstan Respýblıkasynyń Іshki ister mınıstrligi habarlady.

Tájikstan Respýblıkasynyń zańnamasyna baqsylyq, kóripkeldik, boıtumarlar men tumar satý arqyly kún kóretin alaıaqtarǵa qatysty qylmystyq jáne ákimshilik jaýapkershilikti kúsheıtetin ózgerister engizildi.

Endi olar alty aıǵa deıin májbúrli jumysqa jiberiledi. Osy maqsatta elde biryńǵaı tizilim qurylyp, oǵan osy alaıaqtyq túrlerine qatysy bar tulǵalardyń derekteri engiziledi.

Buryn Tájikstanda baqsylyq pen kóripkeldikpen aınalysqandar tek aıyppulmen ǵana jazalanatyn.