Tájikstanda salyq rezıdenttigi týraly anyqtama berý tártibi ózgerdi
ASTANA. KAZINFORM — QR Qarjy mınıstrliginiń Memlekettik kirister komıteti Tájikstanda salyqtyq rezıdent mártebesin rastaıtyn qujatty berý tártibin túsindirdi.
Tájikstan Respýblıkasynyń Qarjy mınıstrligi salyqtyq rezıdent mártebesin rastaıtyn qujatty berýge ýákiletti organ sanalady.
Rásimderdi ońtaılandyrý jáne ótinish berýshiler úshin qolaılylyqty arttyrý maqsatynda qujat tek elektrondyq túrde Tájikstan Respýblıkasy Qarjy mınıstrliginiń memlekettik kórsetiletin qyzmetter portaly — https://emoliya.tj
arqyly beriledi.
Elektrondyq qujatty alý rásimi portalda tirkelgen paıdalanýshynyń bastamasymen júzege asyrylady. Ótinish berilgennen keıin qujat Tájikstan Respýblıkasy Qarjy mınıstrliginiń belgilengen rásimderine sáıkes qalyptastyrylyp, ýákiletti laýazymdy adam bekitedi.
Bekitilgen qujat Tájikstan Respýblıkasy Qarjy mınıstrliginiń resmı blankisinde rásimdeledi, ýákiletti laýazymdy adamnyń elektrondyq tsıfrlyq qoltańbasymen qol qoıylyp, portalda ornalastyrylady.
— Qujattyń túpnusqalyǵyn tekserý úshin QR-kod tehnologııasy paıdalanylady: ony skanerlegen kezde qujat pen onyń derektemeleri ornalastyrylǵan resmı saıttyń tıisti betine belsendi silteme arqyly ótý júzege asyrylady. Atalǵan tetik qujattyń túpnusqalyǵy men ózektiligin naqty ýaqyt rejıminde onlaın tekserýge múmkindik beredi. Elektrondyq qujattyń túpnusqalyǵyn QR-kod arqyly tekserý onyń resmı resýrsta ornalastyrylǵan merzimi ishinde, ıaǵnı 10 jyl boıy, qoljetimdi, — delingen komıtet habarlamasynda.
Osyǵan deıin kóktemde Tájikstanǵa shamamen 11 000 qazaqstandyq týrıst barǵanyn jazǵanbyz.
