Tájikstanda Ortalyq Azııadaǵy eń uzyn kópir salynady

DÝShANBE. KAZINFORM – Qytaılyq Zhejiang Communications Construction Group kompanııasy Tájikstanda kópir qurylysyn bastaıdy, dep habarlaıdy Kazinform agenttiginiń tilshisi.

Tájikstannyń Kólik mınıstri Azım Ibrohım men atalǵan kompanııanyń ókili Lı Mınkýn arasynda ótken kezdesýde tıisti kelisimge qol qoıyldy.

Vedomstvonyń málimetinshe, salynatyn avtokólik kópiriniń uzyndyǵy baılanystyratyn joldardy qosa alǵanda 1500 metrge jetedi.

Kelisimge sáıkes, kópir halyqaralyq standartqa saı salynady. Onyń qurylysyna 4 jyl ýaqyt ketedi. Jobaǵa 59,8 mln dollar qarajat baǵyttaý josparlanǵan.

Eske salaıyq, buǵan deıin Qytaıda álemdegi eń bıik kópir salynyp jatqanyn jazyp edik.

Sonymen qosa, 25 aqpanda Ońtústik Koreıada salynyp jatqan kópir opyrylyp, birneshe adam qaza tapty.