Tájikstanda lúpil úshin jazanyń joıylýy eldiń qylmys statıstıkasyna áser etti
ASTANA. KAZINFORM — Tájikstanda terrorıstik jáne ekstremıstik qylmystar sany 23 paıyzǵa azaıdy, dep habarlaıdy Kazinform menshikti tilshisi.
Esep berý baspasóz máslıhatynda Tájikstannyń Bas prokýrory Habıbýllo Vohıdzoda 2025 jyldyń sońyna deıin mundaı qylmystar sany 314 oqıǵaǵa azaıǵanyn málimdedi.
— Bul qysqartý prezıdenttiń áleýmettik jelilerde lúpil basyp, basqa da pikirler jarııalaǵany úshin qylmystyq is qozǵamaý týraly jarlyǵynan keıin múmkin boldy. Sondaı-aq túsindirý jumystary kúsheıtildi, — dedi baspasóz hatshysy.
Vedomstvo basshysy atap ótkendeı, ekstremıstik jáne terrorıstik qylmystar úshin tıisti jazaǵa tartylǵan 405 adam qylmystyq jaýapkershilikten bosatyldy.
Eske sala ketsek, 2025 jyldyń mamyr aıynda Tájikstan prezıdenti Emomalı Rahmon áleýmettik jelidegi reaktsııalar úshin qylmystyq jazany alyp tastaıtyn zańǵa qol qoıdy.