Tájikstanda Qurban aıt qarsańynda azyq-túlik baǵasyn kótergender anyqtaldy
ASTANA. KAZINFORM — Tájikstan ІІM Qurban aıt merekesi qarsańynda Dýshanbe qalasyndaǵy bazarlar men saýda ortalyqtarynda azyq-túlik baǵasyn negizsiz kóterýdiń 28 faktisin anyqtady, dep habarlaıdy Kazinform agenttiginiń menshikti tilshisi.
Dýshanbe qalalyq ІІB málimetinshe, Qurban aıt merekesi aldynda áleýmettik mańyzy bar taýarlardyń baǵasyn baqylaý jáne retteý maqsatynda arnaıy jumys toptary qurylǵan.
Reıd pen tekserý sharalarynyń bir kúniniń ózinde mılıtsııa qyzmetkerleri ártúrli azyq-túlik taýarlarynyń baǵasyn óz betinshe jáne negizsiz kóterýdiń 28 jaǵdaıyn tirkegen.
— Tekserýler kórsetkendeı, birneshe márte eskertý jasalǵanyna qaramastan, keıbir kásipkerler ókinishke qaraı jeke paıdasyn zań talaptarynan joǵary qoıyp otyr, — dep habarlady vedomstvo.
Tártip buzýshylarǵa qatysty ákimshilik hattamalar toltyrylyp, aıyppul salyndy.
Quqyq qorǵaý organdary kásipkerlerdi taýar baǵasyn negizsiz kóterýden bas tartýǵa taǵy da shaqyrdy.
Aıta ketelik QMDB qaryzdanyp qurban shalýǵa bolmaıtynyn aıtqan edi.
